Gussi fann upp hangikjötssúpu

„Það er meira en ár síðan ég fékk þessa hugmynd," segir leikarinn Gunnar Jónsson, Gussi, um hugmyndina að hangikjötssúpunni sem Café Óliver býður upp á aðventunni.

Gussi starfar sem dyravörður á Óliver, en hann fékkhugmyndina að eigin sögn þar sem hann sat í næði og hugsaði.

„Þegar maður situr og hefur ekkert að gera þá koma stundum hugmyndir í hausinn á manni," segir hann.

„Ég viðraði hugmyndina við kokkinn sem var að vinna á Óliver í fyrra og honum leist vel á, en við komum því aldrei í verk að útfæra hugmyndina. Svo kom nýr kokkur í haust og ég gaukaði hugmyndinni að honum. Honum leist vel á og við þreifuðum okkur áfram."

Hangkjötssúpan er lík hefðbundinni íslenskri kjötsúpu, en í staðinn fyrir súpukjöt er hangikjöt. Þá hefur ýmsu jólalegu meðlæti eins og rauðkáli og grænum baunum verið bætt við.

• 1 blogg um fréttina

Bloggað um fréttina

• Jenný Anna Baldursdóttir: Skata í raspi með frönskum og sósu...