Saman við arineld

Leikkonan Cameron Diaz og tónlistarmaðurinn John Mayer hafa endurnýjað rómantísk kynni sín en þau voru fyrst tengd saman í ágúst.

Nú sást til þeirra saman fyrir framan arineld á Bowery-hótelinu í New York á dögunum og yfirgáfu þau hótelið síðan saman.

„Þau litu ekki hvort af öðru og virtust vera ástfangin, það fór ekki á milli mála að þau eru meira en bara vinir,“ sagði einn sem sá til þeirra á hótelinu.

Orðrómur um að þau væru farin að hittast aftur fór af stað í lok síðasta mánaðar þegar sást til þeirra saman á bar í New York þar sem þau dönsuðu við hvort annað allt kvöldið.

Diaz hætti með unnusta sínum til nokkurra ára, Justin Timberlake, í janúar en Mayer átti í stuttu sambandi við Jessicu Simpson fyrr á þessu ári.

Ekki er langt síðan Diaz átti að vera að hitta Wedding Crashers-stjörnuna Bradley Cooper og Mayer var tengdur við The Kingdom-leikkonuna Minku Kelly í október.