Baggalútur heldur jól á Kanarí

Baggalútur hefur sent frá sér jólalag ársins 2007, sem heitir svo  Jól á Kanarí. Segja Baggalútsmenn, að lagið fjalli á hugheilan en jafnframt raunsæjan hátt um sívaxandi og hámenningarlegt jólahald íslensku þjóðarinnar á Kanaríeyjum.

Lagið er erlent að uppruna og var flutt alleftirminnilega í kvikmyndinni ástsælu Cocktail á 9. áratug síðustu aldar en er sagt ákaflega vel samansett þrátt fyrir það.

Hægt er að komast í tæri við lagið, textann og upplýsingar um flutninginn á vef Baggalúts.

• 2 blogg um fréttina

Bloggað um fréttina

• Stefán Friðrik Stefánsson: Baggalútur toppar sig enn eina ferðina
• Heimir Lárusson Fjeldsted: Engum líkir Baggalútar.