Ljótu hálfvitarnir gefa þjóðinni jólalag

Hljómsveitin Ljótu hálfvitarnir hefur tekið upp jólalag sem þeir kalla Afslöppuð jól. Hefur sveitin ákveðið að færa þjóðinni það að gjöf og segir að það sé gert í tilefni af því að nú fari í hönd sá árstími þegar gjafir eru hvað algengastar.

Lag og texti eru eftir erkihálfvitann Odd Bjarna Þorkelsson og fjalla um það hvernig láta má stress og áhyggjur, sem gjarna eru fylgifiskur jólanna, fara alveg fram hjá sér og slappa þess í stað af í vernduðu umhverfi þar sem stjanað er við mann á kostnað skattborgaranna í gefandi félagsskap við litríka einstaklinga af öllu tagi.

Lagið geta landsmenn nálgast á heimasíðu Ljótu hálfvitanna.

• 2 blogg um fréttina

Bloggað um fréttina

• Snorri Bergz: Þetta eru nú ljótu hálfvitarnir!
• Frikkinn: illar