Valinn besti matreiðslumaðurinn á Grand Bahama

Matreiðslumaðurinn Völundur Snær Völundarson  var í gær valinn besti matreiðslumaður eyjunnar Grand Bahama, sem er ein stærsta eyjan í Bahama-eyjaklasanum auk þess sem veitingastaður hans, Sabor, var valinn besti veitingastaður eyjunnar.

Segir í tilkynningu að verðlaunin séu mikill heiður fyrir Völund og ekki síst fyrir veitingastaðinn Sabor sem var opnaður í mars.

Völundur á og rekur þessa stundina veitingastaðinn Sabor en í lok janúar opnar hann annan stað sem hlotið hefur nafnið Oceano. Er hann staðsettur á ströndinni og verður bæði um að ræða veitingastað og strandklúbb, samkvæmt tilkynningu.

• 1 blogg um fréttina

Bloggað um fréttina

• Guðný B. H.: Til hamingju Völundur!!!