Englandsdrottning eignast áttunda barnabarnið

Elísabet Englandsdrottning eignaðist sitt áttunda barnabarn er Játvarður, hertogi af Wessex,  yngsti sonur hennar og eiginkona hans Sophie eignuðust son í nótt. Drengurinn var tekin með keisaraskurði en honum hefur enn ekki verið valið nafn. Fyrir eiga hertogahjónin fjögurra ára dóttur, lafði Louise Windsor. Þetta kemur fram á fréttavef Sky. 

Buckingham-höll tilkynnti um fæðinguna í morgun og sagði drottninguna og eiginmann hennar himinlifandi. Játvarður sagði við blaðamenn fyrir utan sjúkrahúsið I morgun að það hefði verið stórkostlegt að vera viðstaddur fæðinguna og að eiginkonu hans og syni heilsaðist vel.

Játvarður sagði einnig í morgun að þau hjónin telji að foreldrar verði aðeins að kynnast börnum sínum áður en þeir velji þeim nöfn.

• 1 blogg um fréttina

Bloggað um fréttina

• Jakob Falur Kristinsson: Nýfæddur sonur