Drykkjusiðir hafa áhrif á vinnuframlag

Timburmenn eru helsta ástæða þess að Bretar taka sér veikindadaga úr vinnu. Samkvæmt niðurstöðum nýrrar könnunar hefur einn af hverjum fimm Bretum tekið sér veikindadag úr vinnu vegna timburmanna en það er þó mun algengara meðan ungs fólks en þeirra sem eldri eru. Þetta kemur fram á fréttavef Sky.

Könnunin leiðir jafnframt í ljós að algengast er að Skotar taki sér veikindafrí vegna timburmanna. Fólk í mið- og suðausturhluta Englands gerir þó Breta mest af því að taka veikindafrí, þegar það er í raun heilt heilsu.

Aðrar helstu ástæður þess að heilbrigt fólk tilkynnir veikindi eru fjölskylduvandamál og löngun til að eyða tíma með makanum.

Könnunin var unnin fyrir tryggingafyrirtækið Unum og tóku 500 fullorðnir einstaklingar þátt í henni. Michael O'Donnell, prófessor og trúnaðarlæknir Unum, segir niðurstöðurnar staðfesta það sem legið hafi í loftinu, þ.e. að drykkjusiðir Breta hafi áhrif á vinnuframlag þeirra.

• 3 blogg um fréttina

Bloggað um fréttina

• Sigurður R. Guðmundsson: Enn af áfengisfrumvarpinu
• Hvíti Riddarinn: Þekki einn sem tekur sína timburmannadaga...
• Ragnar Bjarnason: Sé ekki....