Ný Bondstúlka

Breska leikkonan Gemma Arterton verður ein af Bond-stúlkunum í 22. ævintýri njósnarans snjalla – en sögur eru uppi um að myndin sjálf muni einfaldlega heita 007. Lítið er enn vitað um hæfileika Arterton þessarar, enda hennar fyrsta mynd ekki komin í bíó enn, en það er stúlknaskóladramað St. Trinian.

Fregnir á Bretlandseyjum herma að unglingspiltar þarlendir, já og jafnvel nokkrir eldri, bíði fárra mynda með meiri óþreyju – og eru meðfylgjandi myndir hugsanleg skýring á því, þótt vissulega hljóti uppreisn ungmeyjanna gagnvart gerspilltu valdakerfi gagnfræðaskólans að vera aðalástæðan.