Verðmætum verkum stolið í Brasilíu

Brotist var inn í Listasafnið í Sao Paulo í Brasilíu í morgun og komust þjófarnir á brott með málverk eftir Pablo Picasso og Candido Portinari. Óhætt er að segja að þjófarnir hafi verið snöggir að ljúka ætlunarverki sínu því innbrotið tók einungis þrjár mínútur. Náðist það á öryggismyndavélar safnsins.

Verkið eftir Picasso nefnist „Portrait of Suzanne Bloch" en verkið eftir Portinari nefnist „O Lavrador de Cafe". Erfitt er að verðleggja verkin þar sem þau hafa aldrei farið á uppboð en fjölmiðlar í Brasilíu leiða líkum að því að þau séu metin á um 100 milljónir Bandaríkjadala, um 6,4 milljarða króna.

• 1 blogg um fréttina

Bloggað um fréttina

• Níels A. Ársælsson.: O Lavrador de Cafe