Kók-jólaauglýsingin spiluð frítt í anda jóla

„Auglýsingin er ekki á neinum birtingaplönum hjá okkur. Rétturinn rann út fyrir þessi jól, eða síðustu," segir Haukur Sigurvinsson, markaðsstjóri Coca-Cola á Íslandi.

Lítið hefur spurst til I'd like to teach the world to sing-auglýsingar Coke fyrir þessi jól, en hún er ein ástsælasta og langlífasta jólaauglýsing allra tíma. Hjá nokkrum kynslóðum eru jólin ekki komin fyrr en auglýsingin er spiluð, en Coke hefur misst réttinn á henni í hendur rétthafa lagsins. Þrátt fyrir það hefur auglýsingin sést á öldum ljósvakans í desember.

„Auglýsingin er ábyggilega til á öllum sjónvarpsstöðvunum og slysast örugglega inn í dauð hólf hjá þeim," segir Haukur. „Það er ákveðin nostalgía sem fylgir auglýsingunni og það eru ekki bara við sem viljum sýna hana. Hún kemur jólafílingnum í fólk og það eru minningar á bak við hana. Ég held að það sé frekar þannig að þeir setji hana í auglýsingahólf sem eru laus."

• 2 blogg um fréttina

Bloggað um fréttina

• Frikkinn: always coca-cola
• Páll Thayer: Og hér er auglýsingin fyrir þá sem vilja smá nostalgíu...