Rugluðust á heila og hné

Stjórnvöld í Tanzaníu hafa komist að þeirri niðurstöðu að stórfelld vanræksla hafi átt sér stað þegar gerð var aðgerð á heila sjúklings, sem þjáðist af hnjámeini. Á sama tíma var skorið í hné á manni sem þjáðist af heilaæxli.

Þann 8. nóvember gekkst Emmanuel Didas undir heilaaðgerð á  Muhimbili háskólasjúkrahúsinu í Dar Es Salaam þar sem fjarlægja átti heilaæxli sem ekki reyndist vera til. Á sama tíma gekkst  Emmanuel Mgaya, sem var með heilaæxli, undir aðgerð á hné.

Í skýrslu, sem heilbrigðisráðuneyti landsins hefur gert um málið, er vanrækslu lækna og hjúkrunarfræðinga kennt um mistökin.

Didas er nú í Indlandi til frekari læknismeðferðar og er hann sagður á batavegi. Mgaya lést fjórum dögum eftir að hann gekkst undir aðra aðgerð.

• 4 blogg um fréttina

Bloggað um fréttina

• Gísli Foster Hjartarson: Ekki er öll vitleysan eins!
• Snorri Bergz: Er einhver munur á heila og hné?
• Daníel Pétur Daníelsson: Er tilgangur lífsins að ruglast?
• Jakob Falur Kristinsson: Mistök