Segir Lohan vera kynlífsfíkil

Riley Giles, fyrrverandi kærasti leikkonunnar Lindsay Lohan, segir að hún sé kynlífsfíkill. Giles og Lohan kynntust á meðferðarheimili í Utah þar sem þau bæði dvöldu, en Giles segir að í stað fíkniefnanna sé Lohan nú algjörlega háð kynlífi.

„Hún er rosaleg í rúminu. Við stunduðum kynlíf nokkrum sinnum yfir daginn, og svo alla nóttina. Hún var algjörlega óseðjandi og krafðist þess að stunda kynlíf aftur og aftur,“ sagði Giles í nýlegu viðtali. „Kynlíf varð hluti af meðferðinni hjá Lindsay. Við fórum varla úr rúminu dögum saman. Ef menn eru fíklar á annað borð eins og hún þurfa menn að finna eitthvað í staðinn fyrir dópið,“ sagði Giles sem er 24 ára gamall snjóbrettakappi.