Lítri af óblönduðum vodka

Björk Guðmundsdóttir segist drekka lítra af óblönduðum vodka á hverjum föstudegi, og hafi gert það síðan hún var 15 ára. Segir hún þetta vera hefð í heimalandi sínu, Íslandi, að því er breska slúðurveitan BANG Showbiz greinir frá.

Haft er eftir Björk: „Ég er frá landi þar sem maður drekkur einn lítra af vodka hvern föstudag, frá því að maður er 15 ára, óblandaðan, beint úr flöskunni.“

Hin sérvitra tveggja barna móðir segir að drykkjuvenjurnar hafi hún erft frá afa sínum og ömmu og segir ennfremur að með þessum hætti geti hún losað um öll höft.

„Ég horfði á afa og ömmu gera þetta og svona hefur mitt mynstur verið, líkt og verið hefur hjá fjölskyldu minni í þúsund ár,“ segir Björk ennfremur.

• 3 blogg um fréttina

Bloggað um fréttina

• Snorri Bergz: Föstudagsalki
• Guðrún Emilía Guðnadóttir: Er þetta ekki djók?
• Oddrún : Ahahahahahahaha....