Sean Penn verður formaður dómnefndar í Cannes

Bandaríski kvikmyndaleikarinn og leikstjórinn Sean Penn verður formaður dómnefndar kvikmyndahátíðarinnar í Cannes í maí. Penn segist í yfirlýsingu hlakka til að taka þátt í dómnefndarstörfum í Cannes en sú hátíð hafi lengi mótað strauma og stefnur í kvikmyndalistinni.

Penn, sem er 47 ára, fékk Óskarsverðlaun fyrir leik sinn í myndinni Mystic River árið 2003. Hann leikstýrði nýlega myndinni  Into The Wild, sem m.a. hefur verið tilnefnd til Screen Actors Guild verðlauna.

Penn, sem eitt sinn var giftur poppstjörnunni Madonnu, komst í fréttirnar í desember þegar tilkynnt var að hann væri að skilja við eiginkonu sína, leikkonuna  Robin Wright Penn, eftir 11 ára hjónaband. Þau eiga saman tvö börn, 14 og 16 ára.

• 1 blogg um fréttina

Bloggað um fréttina

• Elfar Logi Hannesson: PENN ER ÖRUGGLEGA RÉTTI PENNINN Í ÞETTA DJOBB