Ber brjóst bönnuð í lóninu, í lagi á ylströndinni
Eftir Atla Fannar Bjarkason -
Setja bókamerki
„Það er gömul lumma og fyrir mína tíð," segir Óttar Hrafnkelsson,
forstöðumaður ylstrandarinnar í Nauthólsvík um meint bann á berum brjóstum á ströndinni. Sænskar og danskar konur berjast nú fyrir breyttum baðfatareglum á sundstöðum en þær vilja fá að synda bera að ofan - rétt eins og karlmenn.
Í 24 stundum á föstudag kom fram að íslenskar konur njóta mun meira frelsis en engar reglur virðast banna þeim að flagga berum barminum í sundlaugum landsins.
„Þetta voru ómótaðar reglur," segir Óttar. „Það er ekki bannað að vera
berbrjósta á ylströndinni. Í öllum sínum einfaldleika er þetta þannig að ef kvenmaður kýs að vera berbrjósta á ylströndinni þá er það allt í lagi, svo lengi sem það truflar ekki aðra gesti."
Kvenfólk má ekki vera berbrjósta í Bláa lóninu en ástæðan fyrir því er einföld að sögn Magneu Guðmundsdóttur kynningarfulltrúa. „Við fáum til okkar gesti af svo ofboðslega mörgum þjóðernum. Það sem okkur á Íslandi þætti sjálfsagt getur sært blygðunarkennd annarra gesta."
70% gesta Bláa lónsins eru erlendir að sögn Magneu. „Við höfum ekki orðið vör við mótmæli eða óánægju íslenskra gesta varðandi þetta. Það hefur verið skemmtileg baðfatatíska á Íslandi og ég held að konum þyki gaman að spóka sig í bikiní."
Segir að verið sé að svindla á Bandaríkjunum
Bjarni: „Útilokað að þetta geti gengið upp“
Beint: Ný ríkisstjórn tekin við völdum
Telur sér ekki heimilt að úthluta Helga verkefni
Lyklaskipti í ráðuneytunum
Bjarni afhenti Kristrúnu lyklana
Þetta eru ráðherrar ríkisstjórnarinnar
„Hagræðingarmál eru í fyrsta sæti“