Ekki ólétt heldur gráðug

Leikkonan Eva Longoria, sem leikur eitt aðalhlutverkið í Aðþrengdum eiginkonum, neitar sögusögnum um að hún eigi von á barni heldur sé hún gráðug. Hlé er á tökum á þáttaröðinni nú vegna verkfalls handritshöfunda í Hollywood.

Segist leikkonan ekki vera með barni að minnsta kosti ekki enn en hún eldi og borði til skiptis þessa dagana. Segist hún hafa bætt á sig nokkrum kílóum en það skýrist af ofáti í verkfallinu.

Eva Longoria og Tony Parker gengu í hjónaband í París síðasta sumar og hafa þau bæði lýst því yfir að þau langi til þess að eignast börn.

Ekki dró úr kjaftasögum um meinta óléttu Longoriu þegar hún mætti nýverið á blaðamannafund íklædd bleiku barnateppi. Segir hún að henni hafi einfaldlega verið kalt og því vafið teppi um sig. En viðurkennir að þetta hafi ekki bætt úr skák hvað varðar orðróminn um meinta óléttu.

• 2 blogg um fréttina

Bloggað um fréttina

• Húsmóðir: Eitthvað eigum við sameiginlegt
• hofy sig: Úps ég hélt þú værir ólétt.