Ellen vinsælli en Oprah

Bandaríski háðfuglinn Ellen DeGeneres hefur hrundið Opruh Winfrey af stalli sem ástsælasta sjónvarpsstjarnan í Bandaríkjunum, samkvæmt nýrri könnun. Winfrey hefur verið í efsta sæti undanfarin fimm ár, en er nú komin niður í annað.

Líkt og Winfrey stjórnar DeGeneres spjallþætti í sjónvarpinu. Hún vakti mikla athygli nýverið er hún brast í grát í beinni útsendingu vegna hunds sem mannúðarsamtök höfðu tekið í sína vörslu eftir að DeGeneres hafði gefið dóttur hárgreiðslukonunnar sinnar.

Winfrey hefur undanfarið látið til sín taka í stjórnmálum og lýst stuðningi við forsetaframboð Baraks Obama, en mánuði eftir þá yfirlýsingu vann Obama óvæntan sigur á Hillary Clinton í fyrstu forkosningum demókrata í Iowa.

• 1 blogg um fréttina

Bloggað um fréttina

• Arnþór Guðjón Benediktsson: skil ekki