Óku of nærri Britney

Fjórir paparazzi ljósmyndarar voru í dag handteknir í Kaliforníu í Bandaríkjunum fyrir ógætilegan akstur, en þeir höfðu verið að elta Mercedes-Benz bifreið söngkonunnar Britney Spears.

Að sögn lögreglu óku ljósmyndararnir hratt og of nálægt bifreið poppstjörnunnar auk þess sem þeir skiptu ógætilega um akreinar.

Allt reyndist í himnalagi hjá Britney aldrei þessu vant, en hún fékk að fara ferða sinna eftir að lögregla hafði rætt við hana og gengið úr skugga um að ökuréttindi hennar væru í lagi.

• 1 blogg um fréttina

Bloggað um fréttina

• Ómar Ingi: 5,000 $ Sekt Takk Fyrir