Stutt hjónabandssæla

Leikarinn Eddie Murphy og eiginkona hans, Tracey Edmonds, eru skilin en þau gengu í hjónaband á nýársdag á einkaeyju, skammt frá Bora Bora. Segir í tilkynningu að þau hafi ákveðið að gifta sig ekki í Bandaríkjunum sem er nauðsynlegt til þess að hjónavígslan teljist lögleg þar í landi. Þetta kemur fram í sameiginlegri tilkynningu frá Murphy og Edmonds.

„Á sama tíma og nýleg táknræn athöfn á Bora Bora var til marks um djúpa ást okkar, vináttu og virðingu sem við berum fyrir hvort öðru á andlega sviðinu, höfum við ákveðið að vera vinir áfram," að því er segir í tilkynningu.

 Eddie og Tracey byrjuðu saman seint á árinu 2006 og trúlofuðust í júlí á síðasta ári. Eddie Murphy á fimm börn með fyrrum eiginkonu sinni, Nicole Mitchell Murphy, en þau skildu árið 2005. Hann á einnig dótturina Angel Iris með Kryddpíunni  Mel B.

Tracey Edmonds á tvo syni af fyrra hjónabandi með söngvaranum Kenneth „Babyface“ Edmonds.

• 2 blogg um fréttina

Bloggað um fréttina

• Snorri Bergz: Eru engir Íslendingar giftir?
• Bros: Ja hérna hér