Troðfullt á frumsýningu Brúðgumans

Nýjasta mynd Baltasars Kormáks, Brúðguminn, var frumsýnd í Stóra sal Háskólabíós í gærkvöld og var fullt út úr dyrum, en salurinn tekur um þúsund manns. Blaðamaður Morgunblaðsins var á sýningunni og sagði þetta grátbroslega mynd, það hefði verið hlegið og grátið til skiptis.

Aðstandendur myndarinnar sjást hér á myndinni með Baltasar Kormák fyrir framan sig en hann hélt stutta tölu á undan sýningunni.