Bubbi varð veikur og gat ekki strítt Ladda

Þórhallur Sigurðsson, betur þekktur sem Laddi, fagnaði 61 árs afmæli sínu síðastliðinn sunnudag. Þá um kvöldið var enn ein sýningin á Laddi 6-tugur í Borgarleikhúsinu, og var ákveðið að stríða Ladda svolítið í tilefni dagsins.

Haft var samband við Bubba Morthens sem samþykkti að fara beint inn á sviðið á sama tíma og Laddi væri í gervi Bubba, og koma Ladda þannig í opna skjöldu. Af þessu varð þó ekki því Bubbi hringdi sig inn veikan á síðustu stundu. Nú er bara spurning hvort ekki megi reyna aftur þegar Laddi verður 62 ára...