Ledger virðist hafa látist af slysförum

Fulltrúi lögreglunnar í New York sagði í gær að allt benti til þess að leikarinn Heath Ledger hefði látist af slysförum. Hann fannst látinn á heimili sínu á Manhattan í fyrradag. Við rúmið voru svefntöflur og lyf gegn kvíða, en ekkert bréf frá honum um sjálfsvíg.

Aðdáendur leikarans hópuðust í gær að fjölbýlishúsinu þar sem hann bjó í Soho-hverfinu og lögðu þar blómvendi og minntust hans.

Krufning sem fram fór í gær leiddi ekki í ljós dánarorskök, og stendur rannsókn á dauða Ledgers enn yfir. Lögreglan hefur greint frá því að engin ólögleg lyf hafi fundist í íbúðinni, og engin merki um fíkniefnanotkun.

Hugsanlegt sé að Ledger hafi óvart tekið of stóran skammt af hefðbundnum lyfjum og látist af þeim sökum. Líklegt er talið að hann hafi látist laust eftir hádegi á þriðjudaginn.

• 3 blogg um fréttina

Bloggað um fréttina

• Gunnar Kr.: Óheppilega orðuð auglýsing miðað við fréttaefnið fyrir ofan
• Lýður Pálsson: Lék fangavörð
• Þórhildur Daðadóttir: Bara alveg óvart!