Tommy Lee alsæll á Egilsstöðum

Bandaríski rokkarinn Tommy Lee er einn þeirra fjölmörgu farþega flugvélar Icelandair sem kom frá New York snemma í morgun og lenti á Egilsstöðum. Að sögn Jóns Atla Helgasonar, hjá fyrirtækinu Jóni Jónssyni sem stendur að tónleikum Lee á Nasa í kvöld, er von á Lee til Reykjavíkur um hádegið en rokkarinn er að sögn í miklu stuði og alsæll á Egilsstöðum. Segir Jón Atli að Tommy Lee hafi þegar farið að leita að Magna Ásgeirssyni enda staddur skammt frá fæðingarbæ hans.

Í kvöld heldur Tommy Lee tónleika á Nasa við Austurvöll ásamt DJ Aero. Með þeim Lee og Aero í för er umboðsmaður Lee, auk hljóðmanns rokkarans sem mun einnig vera lífvörður hans.

Á tónleikunum í kvöld mun Lee spila á trommur undir taktföstum skífuþeytingum DJ Aero.

• 4 blogg um fréttina

Bloggað um fréttina

• Ester Júlía: Egilsstaðir - Reykjavík?
• Guðborg Eyjólfsdóttir: Ef ég væri yngri
• Snorri Bergz: Foreldrar loka inni dætur sínar
• Þórhildur Daðadóttir: Egilstaðir rokka!