Dr. Phil sagður eiga sér vafasama fortíð
Setja bókamerki
Í nýjasta tölublaði Star Magazine er að finna stóra grein um sjónvarpssálfræðinginn Phil McGraw, sem er betur þekktur undir nafninu Dr. Phil, og meinta vafasama fortíð hans. Í greininni er rætt við konu sem starfaði á skrifstofu Dr. Phils árið 1984, þegar hún var 19 ára, og kærði hann fyrir kynferðislega áreitni.
„Hann fór inn undir blússuna mína og snerti brjóstin á mér. Hann var stöðugt að snerta á mér fótleggina og elskaði að nudda á mér mjaðmirnar,“ er haft eftir konunni í viðtalinu. Dr. Phil var sýknaður af ákærunni, en var þó ávíttur af samtökum sem veita sálfræðileyfi í Texasríki. Af þeim sökum var honum óheimilt að starfa sjálfstætt sem sálfræðingur.
Í greininni er einnig sagt frá því að Dr. Phil hafi rekið líkamsræktarsvikamyllu á áttunda áratugnum. Á hann að hafa selt fjölda fólks aðgang að heilsuræktarstöð, sem hann síðan lokaði og stakk af með peninginn. Í kjölfarið var lögreglurannsókn sett af stað. Dr. Phil er sagður hafa skuldað fjölda fólks og bönkum tugþúsundir dollara, sem hann hefur enn ekki greitt.
Beint: Ný ríkisstjórn tekin við völdum
Bjarni: „Útilokað að þetta geti gengið upp“
Bjarni afhenti Kristrúnu lyklana
Þetta eru ráðherrar ríkisstjórnarinnar
Skattamál verði líklega „þeirra mesta klemma“
