Hollywoodmynd um Fischer

Bandarísku kvikmyndafélögin Universal og Working Title áforma að gera kvikmynd um Bobby Fischer og skákeinvígi aldarinar á Íslandi. Myndin verður gerð eftir bókinni Bobby Fischer Goes to War, sem kom út fyrir nokkrum árum eftir David Edmonds og John Eidinow. 

Leikstjórinn Kevin Macdonald hefur verið fenginn til að leikstýra myndinni en hann leikstýrði m.a. myndinni The Last King of Scotland, sem fékk fjölda verðlauna á síðasta ári, þar á meðal Óskarsverðlaun fyrir leik Forest Whitaker í hlutverki Idi Amins.

Gert er ráð fyrir að framleiðsla myndarinnar hefjist síðar á þessu ári að því er kemur fram á fréttavef Variety. Ekki kemur fram hvort til standi að taka myndina upp að hluta hér á landi.

• 2 blogg um fréttina

Bloggað um fréttina

• Snorri Bergz: Fischer gengur aftur
• Þórhildur Daðadóttir: Hollywood, Hollywood, Hollywodd.