Sykurmola-lag í útgáfu The Mars Volta

Ein merkilegasta rokksveit samtímans, The Mars Volta, sendi á dögunum frá sér sína þriðju plötu, The Bedlam in Goliath. Í tilefni af útgáfunni tóku þeir Cedric Bixler-Zavala og Omar Rodriguez-Lopez upp lagið „Birthday“ með Sykurmolunum sem nú er hægt að streyma á Amazon.

Útgáfan er stórgóð og einna skemmtilegast að heyra að þeir félagar hafa lagt töluvert í upptökurnar á laginu. Það sem stingur einna helst í stúf er að útgáfan er furðulega lík upphaflegu útgáfu Sykurmolanna frá 1987. Áhrifa Sykurmolanna gætir víða og fjölmargar rokksveitir hafa nefnt sveitina sem eina af sínum helstu áhrifavöldum.

Sykurmolarnir héldu 20 ára afmælistónleika í Höllinni í fyrra sem teknir voru upp. Vonandi verða þeir gefnir út áður en langt um líður.