Faðir Amy Winehouse segir nei

Faðir Amy Winehouse segir ólíklegt að söngkonan Amy Winehouse muni koma fram á Grammy verðlaunahátíðinni líkt og til hefur staðið. Winehouse er enn í meðferð og segir faðir hennar of snemmt fyrir hana að taka að sér svo mikilvægt verkefni.

Winehouse er tilnefnd til Grammy verðlauna í sex flokkum og gaf plötuútgefandi hennar frá sér tilkynningu í síðustu viku þar sem sagði að söngkonan væri í meðferð við eiturlyfjafíkn til að ,,undirbúa sig undir að koma fram á Grammy verðlaunahátíðinni".

Mitch Winehouse segir við blaðið Daily Mirror að honum finnist þessi þrýstingur of mikill fyrir dóttur sína. ,,Ég er ekki viss um það verði neitt af þessu. Ég vil ekki að hún fari, ég held það sé of snemmt fyrir hana. Henni líður ekki vel, þess vegna er hún í meðferð."

• 1 blogg um fréttina

Bloggað um fréttina

• Jac Norðquist: Ha? Eitt augnablik.....