Saman á ný?

Ástralska söngkonan Kylie Minogue er tekin saman við franska leikarann Olivier Martinez á ný en parið hætti saman á síðasta ári eftir að fréttir bárust af meintu framhjáhaldi hans.

Á parið að hafa átt tvo rómantíska daga saman í París í liðinni viku og segja heimildir að vinir þeirra séu alsælir vegna þessa enda hafi hún alltaf sagt hann vera ást lífs síns.

Eiga þau að hafa tekið saman eftir að hann samþykkti að eignast börn og kvænast söngkonunni.

Kylie kom í heimsókn í íbúð Oliviers í París þann 27. janúar sl. og ræddu þau málin lengi fram eftir degi. Um nóttina gistu þau saman á hóteli hennar í borginni. Daginn eftir sást til þeirra á göngu með hund leikarans og í verslun Yves St Laurent. Síðan fengu þau sér drykk saman á Cafe de Flore.

• 1 blogg um fréttina

Bloggað um fréttina

• Frikkinn: VAR VOFFINN MÁLIÐ