Hundurinn sá eini sem fær að gista

Ástralska söngkonan Kylie Minogue harðneitar orðrómi um að hún og ástmaðurinn fyrrverandi,Olivier Martinez, séu tekin saman á ný. Segir hún að sá eini sem fær að deila rúmi með henni sé tíkin Sheba.

„Mín dásamlega Sheba er eina veran sem fær að sofa í mínu rími. Ég leyfi henni að sofa uppí allar nætur og satt að segja var það hún sem gisti í rúmi mínu þær tvær nætur sem ég var í París í síðustu viku," segir Minogue.

Hún ítrekar að Olivier og hún séu bara vinir þrátt fyrir orðróm um annað og meira. Segir hún að þau hafi alltaf verið vinir. „Ég fór út að borða með vini og það næsta sem ég veit eru umræður um hvort við ætlum að stofna fjölskyldu. Við minntumst ekki einu sinni á það umræðuefni," segir Minogue.

• 1 blogg um fréttina

Bloggað um fréttina

• Snorri Bergz: Tíkin Sheba