Clapton með tónleika á Íslandi

Breski tónlistarmaðurinn Eric Clapton heldur tónleika ásamt hljómsveit sinni í Egilshöllinni hinn 8. ágúst næstkomandi. Tónleikarnir eru liður í Evróputónleikaferð Claptons sem hefst í sumar og kemur í kjölfarið á útgáfu safnplötunnar Complete Clapton, og mun hann því flytja öll sín vinsælustu lög á tónleikunum.

„Clapton nýtur náttúrlega ómældrar virðingar sem tónlistarmaður, og ekki síst sem gítarleikari,“ segir Kári Sturluson sem stendur að tónleikunum ásamt Grími Atlasyni.

Alls verða um 10.000 miðar í boði á tónleikana, og verður fyrirkomulag forsölu kynnt í næstu viku.