Dýr brjóstahaldari

Aðdáandi kólumbísku söngkonunnar Shakiru pungaði út 3000 dölum (rúmum 200.000 kr.) á uppboði fyrir brjóstahaldara sem var í hennar eigu. Féð mun renna til góðgerðarmála.

Fram kemur á vef breska ríkisútvarpsins að Shakira vinni nú að því að hreinsa til í fataskápnum. Flíkurnar verða selda og mun allur ágóði renna til sjóðs sem kallast Bare Feet.

Rúmar fjórar milljónir hafa safnast hingað til. Einn aðdáandi söngkonunnar var t.d. reiðubúinn að greiða tæpa milljón svo hann fengi tækifæri til að hitta Shakiru.

Féð verður notað til að byggja skóla fyrir fátæk börn í Kólumbíu.

Það var tískuhönnuðurinn Roberto Cavalli sem hannaði hinn fagurskreytta brjóstahaldara sem Shakira notaði á tónleikaferðalagi sínu í fyrra.

Meðal annarra muna sem seldir voru á uppboðinu var Gibson gítar og fjólublá hárkolla

Brjóstahaldarinn dýri. AP

• 1 blogg um fréttina

Bloggað um fréttina

• Snorri Bergz: Dýrar umbúðir