Mills hyggst flytja frá Bretlandi
Setja bókamerki
Faðir Heather Mills segir að hún muni flytja frá Bretlandi eftir að gengið hefur verið frá skilnaði hennar og Bítilsins Paul McCartney þar sem allir á Bretlandi „hati hana”. Mark Mills segist telja líklegast að hún muni setjast að í Frakklandi eða Bandaríkjunum, með Beatrice fjögurra ára dóttur þeirra McCartneys. Þetta kemur fram á fréttavef Sky.
„Hún mun ekki verða áfram hér. Hún veit að það hata hana allir og það er ekkert sem heldur í hana,” segir hann. „Ég held hún sé mjög langt niðri núna og að hún muni grípa tækifærið til að komast í burtu og taka Bea dóttur sína með sér. Ég held að hún muni flytja til útlanda og hverfa smám saman inn í mannfjöldann.”
Mills segist hins vegar óttast að lögfræðingar McCartney muni rífa hana í sig við málflutning í skilnaðarmáli þeirra en Mills flytur mál sitt sjálf.
Eignir McCartneys eru metnar á 825 milljónir sterlingspunda og er talið líklegt að honum verði gert að greiða Mills allt að 60 milljónir punda.
„Ekkert sem er að hindra vinnuna“
Svikarinn vingast við fórnarlambið
Fundar með forystu Kennarasambandsins
Börn vistuð í fangaklefum: „Algjörlega óboðlegt“
Kaupverð í nær öllum tilfellum staðið óhaggað
Borgin svarar: „Við þurfum að grípa betur inn í“
Macron heldur neyðarfund í París
Bjó til nýyrðið „bítill“