Spielberg segir starfi sínu lausu

Bandaríski kvikmyndaleikstjórinn Steven Spielberg hefur sagt upp störfum sem listrænn ráðgjafi skipuleggjenda næstu Ólympíuleika sem haldnir verða í Kína í sumar. Í tilkynningu sem hann sendi frá sér sakar hann kínversk yfirvöld um að hafa ekki lagt sitt að mörkum til að þrýsta á samherja sinn, Súdan til að binda enda á þjáningu fólks í Darfur-héraði.

„Samviska mín leyfir mér ekki að halda áfram eins og ekkert sé,” er haft eftir Spielberg á fréttavef BBC. „Ég finn að nú er ekki tíminn til að eyða allri minni orku á opnunarhátíð Ólympíuleikanna heldur að gera allt sem í mínu valdi stendur til að binda enda á hina hræðilegu glæpi sem enn eru framdir gegn mannkyninu í Darfur,” sagði Spielberg.

Steven Spielberg er ósáttur við aðgerðaleysi Kína í Darfur. Reuters

• 1 blogg um fréttina

Bloggað um fréttina

• Guðsteinn Haukur Barkarson: Gott hjá Stebba!