Hatcher seldi sig

Bandaríska leikkonan Teri Hatcher seldi sjálfa sig nýverið fyrir 50.000 dollara, sem nemur um 3,3 milljónum íslenskra króna. Þetta gerði hún á sérstökum gala-kvöldverði sem haldinn var í Las Vegas til styrktar fólki með alzheimer sjúkdóminn.

„Sá heppni fær nú að bjóða Hatcher í hádegismat. Samkeppnin var mjög hörð og það buðu margir í hana, hún er greinilega mjög vinsæl,“ sagði maður sem staddur var á uppboðinu.