Ekkert kynlíf í tvö ár

Leikkonan Kathleen Turner segist ekki hafa stundað kynlíf í tvö ár og hún sakni þess. Turner og eiginmaður hennar, Jay Weiss, skildu, árið 2006.

„Ég og eiginmaður minn fórum í sitt hvora áttina fyrir tveimur árum og mig minnir að skilnaðinum hafi verið lokið í desember. Það er skrýtið, jæja kannski ekki svo skrýtið, en við erum bestu vinir. Við fáum okkur hádegismat saman og hann er enn besti vinur minn. En á sama tíma eru tvö ár liðin frá því ég stundaði kynlíf síðast og ég er farin að sakna þess," segir Turner.

Óreynd á sextugsaldri

Leikkonan, sem er á sextugsaldri,  segist ekki hafa neitt á móti því að fara í samband en hún finni bara engan sem kveiki neistann enda segist hún einungis hafa sængað hjá tveimur karlmönnum um ævina. „Satt að segja hef ég einungis sængað hjá tveimur mönnum um ævina. Það eiga margir erfitt með því að trúa því að ég sé svo óreynd. En ég kynntist eiginmanni mínum og þannig var það bara," sagði Turner í spjallþætti Larry King nýverið.

• 2 blogg um fréttina

Bloggað um fréttina

• Snorri Bergz: Ég sé fyrir mér samband
• Jóhanna Magnúsar- og Völudóttir : Sykurbindindi já takk ... en ...