Diaz ekki lengur á lausu?

Leikkonan Cameron Diaz og söngvarinn John Mayer eru byrjuð saman aftur samkvæmt slúðurvefjum. Haft er eftir starfsmanni á hóteli sem þau gistu á í Los Angeles fyrr í vikunni að Cameron hafi farið inn í herbergi Mayer og ekki komið þaðan út í þrjár klukkustundir. Þegar hún kom sér loksins út úr herberginu var hún alsæl á svipinn. Þykir þetta benda til þess að þau séu byrjuð saman á ný eftir stutt ástarsamband á síðasta ári.

Mayer, sem hefur einnig verið orðaður við Jessicu Simpson, á að hafa sagt það nýverið að hann væri að leita sér eiginkonu. Segist Mayer hugsa um væntanlega eiginkonu sína öllum stundum. Og þegar hún finnst að lokum þá muni hann tilkynna henni að hann ætli sér að kvænast henni strax.

• 2 blogg um fréttina

Bloggað um fréttina

• Gulli litli: Andsk.....djö.....helv.
• Markús frá Djúpalæk: Ekki ...