Hver sendi kampavínið?

Paris Hilton vill ólm fá að vita hver það var sem sendi henni kampavínsflösku sem metin er á 40 þúsund dali, 2,7 milljónir króna, er hún fagnaði 27 ára afmælinu í góðra vina hópi nýverið.

Paris Hilton var stödd á afmælinu á næturklúbbnum LAX í Las Vegas ásamt systur sinni, Nicky, David Katzenberg og Benji Madden um síðustu helgi þegar komið var með flösku af Veuve Clicquot kampavíni á borðið þeirra á staðnum.

Heimildarmaður New York Daily News segir að hvorki Paris né Nicky hafi hugmynd um hver sendi kampavínið en vilji endilega þakka fyrir sig.

Mikið fjör var á hópnum á næturklúbbnum og innbyrtu þau mikið magn af malarurtarbrennivíninu absint. Síðar um kvöldið mætti rokkarinn Tommy Lee á staðinn og skolaði niður nokkrum glösum með þeim.

• 4 blogg um fréttina

Bloggað um fréttina

• Frikkinn: Perlur fyrir svín
• Sædís Ósk Harðardóttir: Ohh ég lenti í þessu sama um daginn....
• Snorri Bergz: Mig minnir
• Hvíti Riddarinn: Ég sendi henni 40.000