Þursarnir hafa engu gleymt

Upp­selt var á tón­leika Hins ís­lenzka Þursa­flokks sem fram fóru í Laug­ar­dals­höll­inni í kvöld en þrjá­tíu ár eru liðin frá stofn­un sveit­ar­inn­ar. Auk Þursa­flokks­ins spilaði Caput hóp­ur­inn á tón­leik­un­um und­ir stjórn Guðna Franz­son­ar. Jafn­framt söng Ragn­heiður Grön­dal eitt lag með Þursa­flokkn­um, Gegn­um holt og hæðir.

Áheyr­end­ur voru vel með á nót­un­um og tóku und­ir með Agli Ólafs­syni og fé­lög­um í Þursa­flokkn­um í mörg­um lög­um. Enda sagði Eg­ill á tón­leik­un­um að það væri ánægju­legt að sjá all­flesta þá sem fylgdu sveit­inni í gegn­um tíðina og að ekki væri nóg með að þeir mættu á tón­leik­ana held­ur hefðu þeir tekið börn og barna­börn með.

Ekki var annað að heyra á hljóm­leika­gest­um að þeir hafi verið ánægðir með sína menn í kvöld og ljóst að Hinn ís­lenzki Þursa­flokk­ur hef­ur engu gleymt á þeim fjöl­mörgu árum sem liðin eru frá því að hljóm­sveit­in hætti en síðustu hljóm­leik­ar Þursa­flokks­ins voru haldn­ir árið 1984. 

Þursa­flokk­inn skipa: Ásgeir Óskars­son, tromm­ur og slag­verk, Eg­ill Ólafs­son, söng­ur og hljóm­borð, Eyþór Gunn­ars­son (sem kom í stað Karls Sig­hvats­son­ar heit­ins) á Hammond org­elið og hljóm­borð. Rún­ar M. Vil­bergs­son, fag­ott, Tóm­as M. Tóm­as­son, bassi og hljóm­borð og Þórður Árna­son, gít­ar. 

• 7 blogg um frétt­ina

Bloggað um frétt­ina

• G. Tóm­as Gunn­ars­son: Hefði viljað vera þar
• Berg­ur Thor­berg: Í gær­kvöldi var ég al­gjör þurs......... og kon­an bónaði og …
• Páll Sæv­ar Guðjóns­son: Frá­bær kvöld­stund
• Stefán Hall­ur Ell­erts­son: Þurs­ar
• Sig­urður R. Guðmunds­son: Frum­kvöðlar í ís­lenskri tónlist
• Njörður Helga­son: Frá­bær­ir tón­leik­ar!!!
• Guðrún Em­il­ía Guðna­dótt­ir: Segi eins og fleyri, hefði viljað vera þarna.