Jolie vill fæða í Frakklandi

Kvikmyndaleikkonan Angelina Jolie er sögð vilja fæða væntanlegt barn sitt í Frakklandi og heiðra þannig minningu fransk-kanadískrar móður sinnar.

Leikkonan hefur lagt áherslu á að veita börnum sínum alþjóðlegt uppeldi og fæddi hún dóttur sína og Brad Pitt í Namibíu fyrir tæpum tveimur árum. Þá eiga þau ættleidd börn frá Kambódíu, Víetnam og Eþíópíu. 

„Angelina er stolt af frönsku ætterni sínu og hún vill að nýjasti fjölskyldumeðlimurinn fæðist þar og alist þar upp,” segir ónefndur heimildarmaður. Þá segir hann Jolie og Pitt hafa íhugað alvarlega að setjast að í Frakklandi frá því móðir Jolie Marcheline Bertrand lést í janúar á síðasta ári.

• 2 blogg um fréttina

Bloggað um fréttina

• Kristín M. Jóhannsdóttir: Undarlegur kvenmaður þetta
• Gísli Foster Hjartarson: Eyjar koma líka til greina