Harry prins kallaður heim frá Afganistan

Yfirstjórn breska hersins hefur ákveðið að kalla Harry Bretaprins, son Karls Bretaprins og Díönu prinsessu, heim frá Afganistan þar sem hann hefur gegnt herþjónustu. Ákvörðunin er tekin eftir að fréttir bárust af veru prinsins í Afganistan í erlendum fjölmiðlum. Þetta kemur fram á fréttavef BBC. 

Yfirvöld í Bretlandi höfðu gert samkomulag um það við breska fjölmiðla að ekki yrði greint opinberlega frá veru Harrys í Afganistan þar sem það var talið stofna öryggi hans og annarra breskra hermanna í landinu í hættu.   

Harry, sem er 23 ára, mun hafa tekið því mjög illa er hætt var við áform um að senda hann með herdeild hans til Íraks á síðasta ári þar sem óttast var að uppreisnarmenn myndu beina spjótum sérstaklega að herdeildinni væri Harry með henni.  

• 1 blogg um fréttina

Bloggað um fréttina

• Bara Steini: Æææææii aumingjagrey Prinsinn...