Harry vill ekki snúa heim

Það má bú­ast við því að það verði vel tekið á móti Harry Bretaprins sem snýr heim til Eng­lands eft­ir að hafa gegnt herþjón­ustu í Af­gan­ist­an. Harry er hins veg­ar ósátt­ur við að vera send­ur heim. Hann seg­ist ekki vera neitt sér­stak­lega hrif­inn af Englandi, m.a. vegna allr­ar þeirra at­hygli sem þarlend­ir fjöl­miðlar veita hon­um.

Breska varn­ar­málaráðuneytið hef­ur sagt að Harry, sem er 23ja ára, verði kallaður heim frá Af­gan­ist­an þegar í stað eft­ir að banda­rísk vefsíða greindi frá veru prins­ins þar.

Emb­ætt­is­menn hafa hrósað bresk­um fjöl­miðlum fyr­ir að hafa virt frétta­bannið og ekki greint frá því að Harry hafi verið send­ur til Af­gan­ist­an. Óskað var eft­ir því að fjöl­miðlar myndu ekki greina frá þessu þegar búið var að ákveða að senda prins­inn ekki til Íraks af ör­ygg­is­ástæðum.

Harry er hins veg­ar ekki sátt­ur við breska fjöl­miðla, sem hafa und­an­far­in ár fjallað ít­ar­lega um skemmtana­líf prins­ins í London og víðar.

„Ég hef ekki áhuga að hanga í Windsor-kast­ala,“ sagði hann í viðtali sem var tekið við hann í Af­gan­ist­an í síðustu viku. Viðtalið hef­ur nú verið birt eft­ir að það frétt­ist af veru hans í Af­gan­ist­an.

„Al­mennt séð þá er ég ekk­ert sér­stak­lega hrif­inn af Englandi, og það er gott að geta verið fjarri öll­um fjöl­miðlun­um og dag­blöðunum, og laus við allt þetta kjaftæði sem þeir skrifa.“

Talið er ljóst að fjöl­miðlaí­mynd prins­ins muni styrkj­ast eft­ir dvöl hans í Af­gan­ist­an. Fram kem­ur í breska götu­blaðinu The Sun að Harry sé „afar hug­rakk­ur maður sem tók þá áhættu að vera sprengd­ur í loft af tali­bön­um í þeim til­gangi að þjóna ætt­jörðinni með fé­lög­um sín­um.“

Þá hef­ur Gor­don Brown, for­sæt­is­ráðherra Bret­lands, hrósað prins­in­um í há­stert.

• 1 blogg um frétt­ina

Bloggað um frétt­ina

• Þor­steinn Gunn­ars­son: Var það nokkuð sleggju­dóm­ur­inn yfir Roya­lítet­inu