Plata Garðars tilnefnd til Brit-verðlauna

Cortes, hljómplata Garðars Thors Cortes, hefur verið tilnefnd til bresku tónlistarverðlaunanna fyrir klassíska tónlist í flokknum hljómplata ársins árið 2007.  Verðlaunin verða  afhent í Royal Albert Hall í maí.

Plata Garðars kom út í Bretlandi í apríl á síðasta ári og fór beint í fyrsta sæti klassíska listans og sat þar í þrjár vikur.

Tilnefningar í flokknum plata ársins eru þær fyrstu sem kynntar eru en tilnefningar í öðrum flokkum verða kynntar í byrjun mars. Þetta er eini flokkurinn þar sem almenningi gefst kostur á að kjósa um en kosningin mun fara fram á heimasíðu verðlaunanna og hefst kosningin 6. mars.

Sir Paul McCartney hlaut verðlaunin fyrir plötu ársins í fyrra fyrirEcce Cor Meum. Árin tvö á undan vann messósópransöngkonan Katherine Jenkins þennan flokk.

Heimasíða Brit-verðlaunanna

• 1 blogg um fréttina

Bloggað um fréttina

• Hafsteinn Viðar Ásgeirsson: Flottur Cortes.