Ásdís Rán komst á toppinn í gær

„Ég er alveg rosalega ánægð og þakka öllum sem hafa farið og kosið mig kærlega fyrir stuðninginn,“ segir Ásdís Rán Gunnarsdóttir, en í gærkvöldi hafði hún náð fyrsta sætinu í fyrirsætukeppninni Hot for the Money sem fram fer á vefsíðunni www.isshehot.com.

Í 24 stundum í gær kom fram að Ásdís væri í öðru sætinu, en það er greinilega skammt stórra högga á milli í keppninni og hafði Ásdís náð forystunni í gær. Sigur í keppninni mun koma Ásdísi í hóp 12 fyrirsætna sem etja kappi í raunveruleikaþætti þar sem sigurlaunin eru hvorki meira né minna en milljón Bandaríkjadalir.

Enda þótt Ásdís hafi verið orðin þónokkuð hærri en stúlkan fyrir neðan hana þegar keppnin stóð sem hæst í gær vildi hún ekki gera sér of háleitar vonir. Hún kvaðst þess þó fullviss að nóttin yrði erfið, enda stressið farið að gera verulega vart við sig.

„Það er ennþá smá möguleiki að stelpan í öðru sæti nái mér því að enn er tæpur sólarhringur eftir af kosningu. Þetta eru alvöru slagsmál og það verður sko kosningavaka hjá mér í kvöld. Ég er alveg að drepast úr stressi og efast um að ég nái að sofa,“ sagði Ásdís.

• 4 blogg um fréttina

Bloggað um fréttina

• Ásdís Rán : Takk fyrir stuðningin!
• Stefán Friðrik Stefánsson: Íslendingar kjósa sitt fólk sama á hverju gengur
• Snorri Bergz: Úff, kannski ekkert skrítið
• Gunnar Th. Gunnarsson: Flott stelpa