Glímudrottning í heimsókn

Glímudrottning Íslands, Svana Hrönn Jóhannsdóttir, tekst á við sjöfaldan World Wrestling Entertainment-meistara, kanadísku glímudrottninguna Trish Stratus, annað kvöld í glímuhúsi Ármanns.

Ísland er einn af viðkomustöðum Trish í för hennar um heiminn, en næst liggur leiðin til Indlands. Með henni er kanadískt sjónvarpsfólk sem vinnur að gerð þáttaraðar um ferðina fyrir Discovery-sjónvarpsstöðina og Travel Channel.

Hér á landi hefur Trish kynnt sér íslensku glímuna, sem hún segir afar frábrugðna fjölbragðaglímunni sem hún eigi sjálf að venjast.

Greint er frá heimsókn Trish á vef Glímusambands Íslands, og um World Wrestling Entertainment má fræðast hér.

• 5 blogg um fréttina

Bloggað um fréttina

• Hvíti Riddarinn: Mæti pottþétt!
• Halli Nelson: Ætti að fara í Mjölni og glíma við stelpurnar þar
• Morten Lange: Panem et Circenses - Brauð og Hringleikjahús !
• Heimir Lárusson Fjeldsted: Bendi á góða færslu um Trish Stratus
• Karl Gauti Hjaltason: Hryggspenna.