Miðar á Clapton að seljast upp

Um 8.000 miðar á tón­leik­ar Eric Clapt­on seld­ust fyrsta hálf­tím­ann þegar miðasala á tón­leik­ana hófst klukk­an tíu í morg­un. Tón­leik­arn­ir fara fram þann 8. ág­úst nk., en allt stefn­ir í að upp­selt verði á tón­leik­ana löngu áður.

Lang­flest­ir miðarn­ir seld­ust á net­inu eða 95%, en 5% í versl­un­um. Áhang­end­ur kapp­ans virðast ekki vilja taka nein­ar áhætt­ur því mikið gekk á þegar miðasal­an hófst. Rúm­lega 10 þúsund miðar verða alls seld­ir á tón­leik­ana, sem fram fara í Eg­ils­höll.

Clapt­on hef­ur ásamt hljóm­sveit sinni hafið æf­ing­ar fyr­ir hljóm­leika­ferðina, sem hefst þann 3. maí nk. í Tampa í Flórída. Alls tel­ur ferðin nítj­án tón­leika, Íslend­ing­ar eru næst-síðast­ir í röðinni, en síðustu tón­leik­arn­ir eru á Skand­er­borg hátíðinni í Dan­mörku þann 10. ág­úst.

• 3 blogg um frétt­ina

Bloggað um frétt­ina

• Hauk­ur Nikulás­son: Ég er eitt­hvað svo inni­lega EKKI hissa á því!
• Krist­ín Björg Þor­steins­dótt­ir: Mikið hlakka ég til
• Run­ólf­ur Jónatan Hauks­son: Verður bara næs.....