Segir ummæli Cotillard slitin úr samhengi

Vincent Toledano, lögmaður frönsku leikkonunnar Marion Cotillard, segir það aldrei hafa verið ætlun hennar að draga það í efa að Tvíburaturnarnir í New Yorkhafi hrunið í kjölfar hryðjuverkaárásar. Þá segir hann ummæli hennar hafa verið slitin úr samhengi og að hún harmi það mjög.

Fréttaskýrendur í Bandaríkjunum velta því nú fyrir sér hvort fréttir af ummælum hennar muni standa í vegi fyrir hugsanlegum frama hennar í Hollywood.

 Cotillard velti upp þeim möguleika í viðtali við franska sjónvarpsstöð á síðasta ári að stjórn Bandaríkjanna kynni að vera viðloðin árásirnar.  „Við höfum séð svipaða turna verða fyrir árásum flugvéla. Brunnu þeir? Einn turn á Spáni logaði í 24 tíma og hann hrundi ekki. En turnarnir í New York hrundu á nokkrum mínútum,“ sagði 32 ára gamla leikkonan. 

Til að bæta gráu ofan á svart þá dró Cotillard það stórlega í efa í sama viðtali að maður hafi gengið á tunglinu.  „Ég sá helling af heimildarmyndum um efnið og fór að velta hlutunum fyrir mér.  Ég trúi að minnsta kosti ekki öllu sem mér er sagt,“ sagði leikkonan. 

• 3 blogg um fréttina

Bloggað um fréttina

• Stefán Friðrik Stefánsson: Klaufaleg ummæli hjá Marion Cotillard
• Hallgrímur Óli Helgason: UMDEILD UMMÆLI COTILLARD
• ae: zeitgeistmovie