Paris Hilton í My Name Is Earl

Aðdáendur grínþáttanna My Name is Earl geta heldur betur kæst því engin önnur en Paris Hilton mun leika gestahlutverk í einum þáttanna, að því er fram kemur á fréttavef Fox News.

Sjónvarpsstöðin NBC auglýsir þáttinn grimmt en þátturinn verður klukkustunda langur og er sá fyrsti eftir að hlé varð á þáttaröðinni í kjölfar handritaverkfallsins. 

Hilton mun leika sjálfa sig og kemur hún fram í draumsýn hjá Earl eftir að hann hefur verið sleginn í rot. „Þegar við ákváðum að setja Paris Hilton í handritið vorum við ekki vissir um hvaða leikkonu við ætluðum að nota.  En eftir þrotlausa leit sættumst við á frekar óþekkta leikkonu að nafni Paris Hilton“ var haft eftir Greg Garcia, framleiðanda þáttanna. 

Þátturinn verður sýndur vestanhafs 3. apríl.

• 4 blogg um fréttina

Bloggað um fréttina

• Frikkinn: Getur stúlkukindin leikið ?
• Snorri Bergz: Paris Hilton leikkona?
• Smári Jökull Jónsson: Aðdáendur sáttir ?
• Hvíti Riddarinn: Þetta verður flott