Skapari D&D látinn

Gary Gygax, einn af sköpurum hlutverkaleiksins Dungeons and Dragons, er látinn 69 ára að aldri. Hann var búinn að eiga við veikindi að stríða í mörg ár, að því er fram kemur á fréttavef BBC.

Dungeons and Dragons, of stytt niður í einfaldlega D&D, var gífurlega áhrifamikill og vinsæll leikur sem ól af sér marga tölvuleiki, bækur og myndir.  Goðsagnakenndar verur og  frumlegur teningur eru eitt af einkennum D&D.

Gygax var einnig höfundur bóka og skrifaði hann nokkrar ævintýrabækur, þ.á.m. bókaseríu um Greyhawk.  Gygax lætur eftir sig eiginkonu og sex börn. 

• 2 blogg um fréttina

Bloggað um fréttina

• Alexandra Briem: Leitt að heyra
• Tryggvienator: Roll save Vs. Death