Veröld/Fólk | 1 Fólk - fréttir | mbl | 5.3.2008 | 13:46 | Uppfært 14:01

Yfirlýsing frá Björk Guðmundsdóttur

Björk á tónleikum utan við óperuhúsið í Sydney nýlega AP

Eins og fram hefur komið vöktu tónleikar Bjarkar Guðmundsdóttur í Sjanghæ á sunnudaginn mikla athygli, en þar tileinkaði söngkonan Tíbetum lagið Declare Independence. Ákvörðun Bjarkar hefur valdið nokkrum titringi í Kína, og hafa fjölmiðlar víða um heim fjallað um málið. Morgunblaðið óskaði eftir viðbrögðum Bjarkar vegna málsins, og hefur í kjölfarið borist eftirfarandi yfirlýsing frá söngkonunni:

"Ég hef verið beðin um að senda frá mér yfirlýsingu í kjölfar þess að hafa tileinkað bæði Kósóvó og Tíbet lagið Declare Independence við sitt hvort tilefnið.

Ég legg mikla áherslu á að ég er ekki stjórnmálamaður, heldur fyrst og fremst tónlistarmaður, og sem slíkur tel ég að mér beri skylda til þess að tjá allar hugsanlegar mannlegar tilfinningar. Þörfin til þess að lýsa yfir sjálfstæði er aðeins ein þeirra, en þó mjög mikilvæg tilfinning sem allir finna fyrir á einhverjum tímapunkti í lífi sínu. Þetta lag var í raun samið með einstaklinginn í huga, en sú staðreynd að lagið hefur verið túlkað eins vítt og mögulegt er, yfirfært yfir á undirokaða þjóð, veitir mér mikla ánægju.

Ég óska öllum einstaklingum og þjóðum góðs gengis í baráttu þeirra fyrir sjálfstæði.

Réttlæti!

Með hlýhug, Björk."

Fleira áhugavert

Lítil snjóflóð fallið og vegum lokað á Vestfjörðum

Gul viðvörun í gildi: Suðaustan stormur

Segja tölur um opinbera starfsmenn skakkar

Íslendingar vanir að klæða sig vel

Félagsstarf »

Stjörnuspá »

Hrútur

Hafðu stjórn á tilfinningum þínum þótt eitthvað verði til að róta upp í þeim. Einhver langt í burtu hjálpar þér með viturlegum ráðum, leiðbeiningum eða bænum.

síðasta vika

Vinsælustu hljóðbækurnar

Út við svala sjávarströnd

Birgitta H. Halldórsdóttir

Opinberanir

Torill Thorup

Bakaríið Vest

Solja Krapu-Kallio

Jólabústaðurinn

Sarah Morgan

Morðgáta um aðventu - gluggi 1

Sofia Rutbäck Eriksson