Veröld/Fólk | 1 Fólk - fréttir | mbl | 6.3.2008 | 12:13

Kynmök taki sjö til þrettán mínútur

mbl.is

Bandarísk könnun sem byggð er á upplýsingum kynlífsfræðinga í Bandaríkjunum og Kanada hefur leitt í ljós að fólk nýtur kynmaka best þegar þau standa í sjö til þrettán mínútur. Þetta kemur fram á fréttavef Jyllands-Posten.

Samkvæmt niðurstöðum rannsóknarinnar þurfa kynmök að standa í þrjár mínútur til að fólki finnist athöfnin ekki taka allt of skamman tíma. Standi hún hins vegar lengur en þrettán mínútur finnst flestum athöfnin vera of löng. Greint er frá könnuninni í fagtímaritinu Journal of Sexual Medicine.

Tilgangurinn með könnuninni var m.a. að leiðrétta ýmsan misskilning varðandi það hvernig meginþorri fólks upplifir kynlíf. Segja aðstandendur hennar það mikilvægt til að draga úr óraunhæfum væntingum og sjálfsgagnrýni þeirra sem ekki upplifa kynlíf á þann hátt sem þeir telja sig „eiga” að gera.

Samkvæmt fyrri rannsóknum telja Bandaríkjamenn að fullnægjandi kynmök standi að meðaltali í fimmtán til tuttugu mínútur. „Slíkar væntingar hljóta að ýta undir óánægju og ófullnægju segir Eric Corty, sem stýrði könnuninni sem fram fór við Behrend háskólann Pennsylvaníu.

„Konur eru yfirleitt sáttar við stutt kynmök og hafa engan áhuga á að lengja þau. Næstum allir karlmenn vilja hins vegar gjarnan að þau standi lengur en þau gera í raun og veru,” segir hún.

Fleira áhugavert

Hefja formlegt söluferli á Olíudreifingu

131 milljón frá erlendum manni: Gjöf eða lán?

Miður hve langan tíma rannsóknin tók

„Er fyrir neðan allar hellur“

Félagsstarf »

Stjörnuspá »

Hrútur

Að afla sér tekna merkir líklega að maður þurfi að leggja á sig það sama og margir aðrir, en með sínum einstaka hætti. Peningamálin ættu að komast í eðlilegt horf á næstunni.

síðasta vika

Vinsælustu hljóðbækurnar

Dimma

Ragnar Jónasson

Atlas: Saga Pa Salt

Harry Whittaker og Lucinda Riley

Í hennar skóm

Jojo Moyes

Miðillinn

Sólveig Pálsdóttir

Mamma, pabbi, barn

Carin Gerhardsen